నేషనల్ హైవేస్ అథారిటీ ఆఫ్ ఇండియా (NHAI) – డిప్యూటీ మేనేజర్ (ఇన్ఫర్మేషన్ టెక్నాలజీ) నోటిఫికేషన్ 2025
NHAI Deputy Manager Jobs 2025 : సెంట్రల్ గవర్నమెంట్ ఉద్యోగం కోసం ట్రై చేస్తున్నవాళ్లకు ఇది సూపర్ ఛాన్స్. నేషనల్ హైవేస్ అథారిటీ ఆఫ్ ఇండియా (NHAI) తాజాగా “డిప్యూటీ మేనేజర్ – ఇన్ఫర్మేషన్ టెక్నాలజీ” పోస్టులకు సంబంధించి నోటిఫికేషన్ రిలీజ్ చేసింది. టోటల్‌గా 12 పోస్టులు ఉన్నాయ్. ఈ పోస్టులు నేరుగా రిక్రూట్ చేస్తారు, అంటే రాసే ఎగ్జామ్ లేదు – కేవలం GATE 2025 స్కోర్ ఆధారంగా సెలెక్షన్ చేస్తారు.
పోస్టుల వివరాలు
మొత్తం 12 పోస్టుల్లో, 7 పోస్టులు జనరల్ కేటగిరీకి, 1 SC, 3 OBC (NCL), 1 EWSకి ఇవ్వబడ్డాయి. ST కేటగిరీకి ఈసారి ఖాళీలు లేవు.
దీంతో పాటు, ఒక్క పోస్టు “Persons with Benchmark Disabilities” (PwBD) కోసం రిజర్వ్ చేశారు. అందులో బ్లైండ్ లేదా లో విజన్ ఉన్న అభ్యర్థులకు ఆ అవకాశముంది.
జీతం ఎంత ఉంటుంది?
ఈ పోస్టు 7వ వేతన సంఘం ప్రకారం లెవల్ 10 పేబాండ్ లో ఉంటుంది. అంటే స్టార్ట్ జీతం రూ. 56,100/- నుంచి ఉంటుంది, గరిష్టంగా రూ. 1,77,500/- వరకూ ఉంటుంది. దీనికి తోడు Central DA, HRA లాంటి అన్ని సదుపాయాలు కూడా ఉంటాయి.
అర్హతలేంటంటే…
ఈ పోస్టుకు దరఖాస్తు చెయ్యాలంటే, అభ్యర్థి కింద పేర్కొన్న కోర్సుల్లో ఏదో ఒకటి పూర్తి చేసి ఉండాలి:
బీటెక్ లేదా బీఈ – కంప్యూటర్ సైన్స్ / ఇన్ఫర్మేషన్ టెక్నాలజీ / ఎలక్ట్రానిక్స్ అండ్ కమ్యూనికేషన్
ఎంసీఏ – మాస్టర్స్ ఇన్ కంప్యూటర్ అప్లికేషన్
ఇవి ఏదైనా గవర్నమెంట్ గుర్తించిన యూనివర్సిటీ లేదా ఇన్‌స్టిట్యూట్ నుంచి ఉండాలి.
వయస్సు పరిమితి ఎంత?
ఈ పోస్టుకు అప్లై చేయాలంటే అభ్యర్థి వయస్సు 30 ఏళ్లకు మించకూడదు (కట్-ఆఫ్ డేట్: 4 ఆగస్టు 2025). అయితే కొన్ని కేటగిరీలకి వయస్సులో సడలింపు ఉంటుంది:
SC/STకి 5 ఏళ్లు
OBC (NCL)కి 3 ఏళ్లు
PwBD (ఒక్కో కేటగిరీకి 10 నుంచి 15 ఏళ్లు)
Ex-Servicemen కి 5 ఏళ్లు
ఎంపిక విధానం ఎలా ఉంటుంది?
ఈసారి రాత పరీక్ష, ఇంటర్వ్యూ అన్నీ ఎత్తేశారు. GATE 2025 (CS పేపర్) స్కోర్ ఆధారంగా మాత్రమే ఎంపిక చేస్తారు. ఎవరి స్కోర్ ఎక్కువో వాళ్లకి మొదట ప్రాధాన్యత ఉంటుంది.
అలాగే, ఒకే స్కోర్ వస్తే పెద్ద వయస్సు ఉన్నవాళ్లకి ప్రాధాన్యం. వయస్సు కూడా ఒకేలా ఉంటే, పేరులో మొదటి అక్షరాన్ని బట్టి తేడా చేస్తారు.
సర్వీస్ బాండ్ గురించి
పోస్టులో జాయిన్ అయిన తర్వాత కనీసం 3 సంవత్సరాలు పని చేయాల్సిందే. ఎవరి మధ్యలో రిజైన్ చేస్తే లేదా ప్రవర్తన కారణంగా తొలగిస్తే, వాళ్లు రూ. 5 లక్షల బాండ్ మొత్తాన్ని చెల్లించాల్సి ఉంటుంది.
దరఖాస్తు ఎలా చెయ్యాలి?
ఆన్‌లైన్‌లో మాత్రమే అప్లై చెయ్యాలి.
మొదట www.nhai.gov.in వెబ్‌సైట్‌కి వెళ్ళాలి
About Us → Recruitment → Vacancies → Current
“Deputy Manager (Information Technology)” అనేదానిపై క్లిక్ చెయ్యాలి
అప్లికేషన్ ఫారం ఓపెన్ చేసి, అన్ని వివరాలు నింపాలి
అవసరమైన డాక్యుమెంట్స్ అప్‌లోడ్ చెయ్యాలి:
ఫోటో (jpg/png/gif ≤ 1 MB)
సైన్‌చర్ (jpg/png/gif ≤ 1 MB)
10వ క్లాస్ సర్టిఫికేట్ (pdf ≤ 2 MB)
కుల, ఆదాయ, ఇతర caste/category certificates (pdf ≤ 2 MB)
డిగ్రీ సర్టిఫికేట్ (pdf ≤ 2 MB)
GATE 2025 స్కోర్ కార్డ్ (pdf ≤ 2 MB)
Preview చూసుకుని సబ్మిట్ చెయ్యాలి
సబ్మిట్ చేసిన తర్వాత Unique Reference Number వస్తుంది – దాన్ని భద్రంగా పెట్టుకోవాలి
దరఖాస్తుల గడువు
ఆన్లైన్ అప్లికేషన్ ప్రారంభం: 4 జూలై 2025 (ఉదయం 10:00 గంటలకు)
అప్లికేషన్ ముగింపు తేదీ: 4 ఆగస్టు 2025 (సాయంత్రం 6:00 గంటలకు)
రిజర్వేషన్ పాయింట్లు
కేవలం సెంట్రల్ గవర్నమెంట్ లిస్ట్ లో ఉన్న కులాలకే రిజర్వేషన్ వర్తిస్తుంది
OBC కోసం తీసుకునే సర్టిఫికేట్, 1 ఏప్రిల్ 2025 తర్వాత తీసుకున్నదే ఉండాలి
EWS కోసం కూడా ఆర్థిక సంవత్సరం 2024-25 ఆధారంగా తీసుకున్న Income & Asset Certificate తప్పనిసరి
PwBD అభ్యర్థులకు కనీసం 40% డిసెబిలిటీ ఉండాలి
కొన్ని ముఖ్యమైన సూచనలు
అన్ని అప్లికేషన్లు ఆన్లైన్ లోనే తీసుకుంటారు
ఒక అభ్యర్థి రెండు సార్లు అప్లై చేస్తే, చివరగా చేసిన అప్లికేషన్ మాత్రమే పరిగణలోకి తీసుకుంటారు
ఎలాంటి తప్పు లేదా తప్పుడు సమాచారం ఇచ్చినా, ఎంపిక అయిన తర్వాత కూడా రద్దు చేయవచ్చు
ఎంపికైన అభ్యర్థులు భారతదేశంలో ఎక్కడైనా పోస్టింగ్ కు సిద్ధంగా ఉండాలి
మెయిల్ ఐడీ కరెక్ట్‌గా ఇవ్వాలి – అన్ని సమాచారమూ ఆ మెయిల్‌కి వస్తుంది
చివరి మాట
గవర్నమెంట్ ఐటీ ఉద్యోగం కోసం GATE రాసే వాళ్లకి ఇది ఒక రేర్ ఆపర్చునిటీ. ఎలాంటి రాత పరీక్ష లేకుండానే, స్కోర్ ఆధారంగా ఎంపిక చేస్తారు కాబట్టి, ఎవరిది పక్కా ప్లానింగ్‌తో GATE రాస్తున్నారో వాళ్లు ఈ అవకాశాన్ని తప్పక వాడుకోండి.